6-Homira May Rezai
Jaghori, Afganistan, 1993
Afganistango hazara etniako kidea. Hamahiru urte zituela iritsi zen Homira bere familiarekin Erresuma Batura, talibanengandik ihesi, bizi-baldintza hobeen bila. Artean ez zekiten ingelesez.
Hamahiru urteren buruan, Zientzia Biomedikoetan lizentziatu zen Bedfordshireko Unibertsitatean. Ondoren, Astongo Unibertsitateko medikuntza-fakultatean egin zituen doktoretza-ikasketak. Gaur egun, haurdunaldian preeklanpsia eta beste zenbait arazo dituzten emakumeentzako diagnosi-proba eta botikak garatzen dituen Mirzyme Therapeutics Limited enpresan egiten du lan.
Birminghamen bizi da. Bertan, Afganistango zein beste gutxiengo etniko batzuetako neska eta emakumeak hezteko komunitate-proiektu ugaritan parte hartu izan du. 2018an, hiri horretako 30 urtez azpiko 30 pertsona inspiratzaileenen zerrendan sartu zuten, ikerkuntzan zein komunitatearen alde egindako lanagatik. Erresuma Batuko Afganiar Gazteen Elkartearen sortzaileetako bat ere bada.
|
|