2022/07/04
Bizilaberen zientzia-tailerrak Laudioko udalekuetan
Hasi dira Laudioko udalekuetan Bizilabe ekintzak, zientzia eta teknologia ume eta gazte guztiengana hurbiltzeko helburuarekin.
![Bizilaberen zientzia-tailerrak Laudioko udalekuetan Bizilaberen zientzia-tailerrak Laudioko udalekuetan](https://bizilabe.elhuyar.eus/eu/laudio/albisteak/bizilabe-laudioko-udalekuetan/@@images/a1110de9-33ee-4ecc-bb0e-695c08180430.jpeg)
Lehen urtez, Bizilabe jarduerak eskaini dira Laudiko udalekuetan. Uztailaren 4tik 29ra, lau astez, 10-12 urte bitarteko neska-mutilek zientzia eta teknologiara hurbiltzeko aukera izango dute. Honako jarduera hauek egingo dituzte uztailean zehar:
- SUKALDE-ZIENTZIA
- INGENIARITZA-ERRONKAK
- EGUZKIAREKIN SUKALDATZEN
- ESPERIMENTU LIKATSUAK
- ARGIAREKIN JOLASEAN
- AZA GORRIAREN MISTERIOA
Ekintza horien bidez, gazteen artean zientzia- edo teknologia-eduki eta lanbideak sustatzen direnean sortu ohi diren gizarte-arrakalak hautsi nahi dira. Izan ere, ikerketek erakutsi dute euren inguruan alor horietako ogibideak ez dituzten haur eta nerabeek nekez hartzen dutela parte halako jardueretan eta gutxitan hautatzen dituztela zientzia- edo teknologia-adarretako ikasketak.