Hasi da 2022-2023 ikasturtea Bizilabe Laudion
![Hasi da 2022-2023 ikasturtea Bizilabe Laudion Hasi da 2022-2023 ikasturtea Bizilabe Laudion](https://bizilabe.elhuyar.eus/eu/laudio/albisteak/hasi-da-2022-2023-ikasturtea-bizilabe-laudion/@@images/60d7df66-8185-4600-902a-85599c2647eb.jpeg)
Abian da Elhuyarrek Laudioko Udalarekin batera martxan jarritako Bizilabe zentroa. Ikasturte osoan zehar, aurten lehendabiziko aldiz, Laudioko neska-mutilek zientzia- eta teknologia-jarduerak egingo dituzte Bizilabe Laudioko Izan ikertzaile, asmatzaile aisialdi-eskaintzaren bidez.
2022ko urritik 2023ko maiatzera STEAM arloko hezitzaile baten gidaritzapean arituko dira lanean. Lehenengo hiruhilekoan, denetariko zientzia- eta teknologia-jarduerak egingo dituzte, diziplina desberdinak ezagut ditzaten. Urtarriletik aurrera, berriz, proiektuak garatuko dituzte taldeka.
Ohiko eskaintzaz gain, urtean zehar zenbait ekimen ere egingo dira: Emakume eta Neska Zientzialarien Nazioarteko Eguna, ikertzaile profesionalen bisitak eta ikasturte-amaierako erakustaldia, besteak beste.
Oraindik ere baduzu izena emateko aukera; beraz, animatu, eta eman izena udaletxean.