2021/01/18
Hasi dira Deustuko ikastolako gazteak Bizilabeko tailerretan
2020-2021 ikasturtean, Deustuko ikastolako ikasleek aukera izango dute Bizilaberen ‘Izan asmatzaile eta ikertzaile’ programako tailerretan parte hartzeko.
2020-2021 ikasturtean, Bizilabe programako ‘Izan asmatzaile eta ikertzaile’ programaren barruan, zientzia eta teknologiako proiektuak egiteko tailerrak izango dituzte Deustuko ikastolako DBH 1-2ko gazteek. Saioak ikastolan bertan egingo dituzte, astelehen edo astearteetan, taldearen arabera, 15:15etik 16:30era beti.
Makey Makeyko lanak eginez hasi dituzte tailerrak. Horren guztiaren gidari Oihane Brauer Vega da, Elhuyarreko kidea, biologoa eta STEAM Hezkuntzan aditua. Emakume zientzialari erreferentea izango da, beraz.
