11-Gro Harlem Brundland

Deskargatu irudia hemen klik eginda.

Osloko (Norvegia) Unibertsitatean medikuntza eta Harvardeko Unibertsitatean (Ameriketako Estatu Batuak) osasun publikoko masterra ikasi zituen. Norvegiako osasungintza publikoko medikua izan zen, harik eta, 1974an, 35 urte zituela, ingurumen-ministro izendatu zuten arte.

Norvegiako lehen ministro izan zen hiru alditan, Alderdi Laboristarekin,, 1980ko eta 1990eko hamarkadetan. Bere agintaldietako ministro-proportzio parekideak ezagun egin ziren mundu osoan: ministroen ia erdiak emakumeak ziren, eta hori ez zen ohikoa garai hartan.

1983an, Nazio Batuen idazkari nagusiak Ingurumenari eta Garapenari buruzko Munduko Batzordea sortu, eta haren buru izatera gonbidatu zuen Brundtland. Garapen jasangarriaren kontzeptu politiko zabala garatu zuen batzorde hark. 1987an, Nazio Batuen eskariz idatzitako ‘Brundtland txostena’ aitzindari izan zen orduan ezohikoa zen salaketa bat egiten: gizarte-aurrerapena ingurumen-kostu altuegiarekin gauzatzen ari zela.

1998an, Munduko Osasun Erakundearen Zuzendari Nagusi izendatu zuten eta, ondoren, beste hainbat kargu ere izan zituen erakunde publiko zein pribatuetan.

2011ko urriaren 17an, Euskal Herrian izan zen, Donostian egindako Bake Konferentzian parte hartu baitzuen. Mahaiburu izan zen, Koffi Annan eta Europako beste 4 lider politikorekin batera, eta armak uzteko eskaria egin zioten ETAri; orobat eskatu zieten Espainiako eta Frantziako gobernuei negoziatzeko eta alderdiei hitz egiteko.

Sari eta ohore ugari jasotakoa da.

Gro Harlemi buruz gehiago jakiteko: