11- Suzuko Ainhoa Tamura

Deskargatu irudia hemen klik eginda.

Tokioko Unibertsitatean hizkuntzalaritzan lizentziatu, eta bertan egin zuen doktore-tesia.

Hizkuntzen gramatika eta, bereziki, hitz-ordena ikertu zituen, tartean ainuera, inuitera, euskara eta beste zenbait hizkuntza gutxituena.

Euskararekiko interesa 1977an piztu zitzaion, hitzaldi publikoak ematera Tokiora joandako Jacques Allières euskalaria ezagutu zuenean. Bere kabuz hasi zen euskara ikasten, eta, 1979ko udan, bi ikastaro egin zituen Euskal Herrian, Donapaleun eta Bilbon. Euskal musika-tresnak jotzen ere ikasi zuen.

Euskal literaturan eta hizkuntzan aditua izanik, bere ikerketa-lanean eta irakaskuntzan Euskal Herriko eta Japoniako kulturen arteko zubiak eraikitzen aritu zen. Bereziki azpimarragarriak dira Etxepare Euskal Institutuarekin eta Euskaltzaindiarekin izandako lankidetzak.

Euskararen eta Japoniako kulturaren arteko antzekotasunak aztertzeaz gain, itzulpengintzan eta euskal literatura japoniar hizkuntzara eramaten lan egin zuen; besteak beste, Gabriel Aresti eta Bernardo Atxagaren lanak itzuliz. Halaber, euskal folklorearen ikerketa eta zabalkundea bultzatu zituen, bertsolaritza eta ahozko tradizioak barne.

Aitorpen ugari jaso zituen bere ibilbide oparoagatik, tartean ohorezko euskaltzain izendapena, 2000. urtean.

Haren lana inspirazio-iturri izan da hizkuntzen arteko elkarrizketaren alde lan egiten dutenentzat.

Suzuko Ainhoa Tamurari buruz gehiago jakiteko: